Georg Sylvíuson hefur verið ráðinn í starf staðarhaldara og kirkjuvarðar Strandarkirkju.
Sími hans er 768-1977.
Skálholtsbraut, 815 Þorlákshöfn
Opnunartími samkv. samkomulagi
thorlakskirkja@thorlakskirkja.is
S: 483 3616
Sunnudaginn 25. ágúst verður uppskeruguðsþjónusta í Strandarkirkju kl. 11:00.
Fjölskylda hjónanna á Vogsósum leggur til grænmeti úr garði sínum.
Sr. Sigríður Munda Jónsdóttir prédikar og þjónar fyrir altari.
Félagar úr Kór Þorláks- og Hjallasóknar leiðir almennan safnaðarsöng undir stjórn Esterar Ólafsdóttur, organista.
Verum öll velkomin
Velkomin á lokatónleika Englar og menn - Tónlistarhátíð Strandarkirkju 2024 nk. sunnudag, 28. júlí kl. 14.
Hið frábæra franska söngtríó Les Itinérantes kemur fram á tónleikunum og flytur hugljúfa hugleiðslu- og íhugunartónlist sem spannar 9 aldir á 13 tungumálum.
Hin árlega tónlistarhátíð, Englar og menn í Strandarkirkju hefst sunnudaginn 7. júlí nk. og stendur yfir í júlímánuði með tónleikum á sunnudögum kl. 14.
Á fyrstu tónleikunum koma fram Björg Þórhallsdóttir sópran, Áslákur Ingvarsson baritón, Elísabet Waage hörpuleikari, Matthías Stefánsson fiðluleikari, Örnólfur Kristjánsson sellóleikari og Hilmar Örn Agnarsson organisti.
Yfirskrift tónleikanna er ,,Ó, Ísland fagra ættarbyggð" sem er ljóðlína úr verðlaunaljóði Huldu, Hver á sér fegra föðurland. Emil Thoroddsen samdi lagið við ljóðið, hina stórkostlegu þjóðhátíðarperlu sem var verðlaunalag árið 1944, en í ár eru 80 ár frá stofnun íslenska lýðveldisins.
Á efnisskránni eru íslensk sönglög eftir Emil Thoroddsen, Sigvalda Kaldalóns, Atla Heimi Sveinsson, Thomas Stankiewicz o.fl., ásamt tónlist eftir J. Brahms, F. Schubert ,Saint-Saens o.fl. þekktum perlum úr heimi tónbókmenntanna.
Tónleikarnir hefjast kl. 14 og aðgangseyrir er 4.000 kr.
Stofnandi og listrænn stjórnandi hátíðarinnar er Björg Þórhallsdóttir sópransöngkona.Tónlistarhátíðin er styrkt af Samtökum sunnlenskra sveitarfélaga og Tónlistarsjóði.
Stjórn kirkjugarðanna býður aðstandendum og forráðamönnum sem eiga leiði í kirkjugörðunum aðstoð, sér að kosnaðarlausu, ef þeir telja þörf á lagfæringum á leiðum. Efni, t.d. þökur, verður til staðar svo og nauðsynleg verkfæri. Starfsmenn verða til aðstoðar.
Þeir sem ekki hafa tök á að nýta þetta boð er bent á að hægt er að koma óskum um lagfæringar á netfangið This email address is being protected from spambots. You need JavaScript enabled to view it.. Æskilegt er að fá sent á sama tölvupóstfang fyrirspurnir og lýsingu á því hvað þurfi að lagfæra til að tryggt sé að nauðsynlegt efni og áhöld séu til staðar. Einnig er hægt að hafa samband í síma 893-2017 (Hjörleifur) milli 16:00 til 18:00 á daginn.
Kirkjugarðurinn í Þorlákshöfn, laugardagurinn 1. júní frá kl. 10:00 til kl. 13:00.
Kirkjugarðurinn á Hjalla, laugardagurinn 8. júní frá kl. 10:00 til kl. 13:00
Stjórn Þorláks- og Hjallakirkjugarðs.
