Tilkynning frá Sjóðnum góða í Árnessýslu

Umsóknir og úthlutanir úr Sjóðnum góða 2022

Hægt verður að sækja um fjárhagsaðstoð fyrir jólin á netinu á þar til gerðu umsóknarblaði. Senda þarf tölvupóst á This email address is being protected from spambots. You need JavaScript enabled to view it. og óska eftir að fá umsóknarblað sent. Útfyllt umsóknarblaðið ásamt fylgigögnum skal senda á sama netfang This email address is being protected from spambots. You need JavaScript enabled to view it.. Á umsóknardögum verður hægt að hringja í síma 8404690, 8404691, 8404692 og sækja um símleiðis. Aðeins er tekið við umsóknum í síma á auglýstum umsóknartíma. Þau sem ekki geta sótt um rafrænt eða símleiðis geta komið á umsóknardögum í Selið, Engjavegi 48 (við íþróttavöllinn).

Umsóknardagar eru:

Miðvikudagur 30.nóv. 13 – 15

Fimmtudagur 1. des. 13 – 15

Þriðjudagur 6. des. 16 – 18

Úthlutunardagar:

Mánudagur 19. des. 16 – 18

Þriðjudagur 20. des. kl. 13 – 15

Með umsókn þarf að senda / fylgja eftirfarandi gögn: Allar tekjur okt. eða nóv. (Vinnulaun, tekjur frá Tryggingastofnun, fæðingarorlof, atvinnuleysisbætur). Öll útgjöld okt. eða nóv. (leiga,afborganir lána og húsnæðis, rafmagn/hiti, útgjöld vegna barna, tryggingar ofl.). Áríðandi er að fylla umsóknir vel og rétt út og að skjöl fylgi með umsókn. Vinsamlegast virðið þessar dagsetningar og athugið að ekki er tekið við umsóknum eftir síðasta umsóknardag, hvorki rafrænt né í síma. Síminn er eingöngu opinn á auglýstum umsóknartíma.

Sunnudaginn 27. nóvember sem er fyrsti sunnudagur í aðventu verður aðventuhátíð í Þorlákskirkju kl. 16:00.

Fjölbreytt dagskrá þar sem kynslóðirnar mætast.

Fyllum kirkjuna af gleði, kærleika, friði og þakklæti.

Verum öll velkomin til kirkjunnar.

Sóknarnefnd og sóknarprestur

Þorlákshafnarkirkjugarður er ljósum prýddur nú á aðventunni og verður svo um jólin, en rafmagn verður í garðinum til mánaðarmótanna janúar - febrúar 2023.

Aðstandendur koma sjálfir með leiðisljós og kveikja á þeim.

Gjald fyrir hvert ljós er 2.500,- kr.

Kennitala Þorlákshafnarkirkjugarðs er 4510170710 og reikningsnúmerið 0152-05-251073.

Guðsþjónusta verður í Þorlákskirkju sunnudaginn 13. nóvember kl. 11:00.

Kór Þorláks- og Hjallakirkju syngur undir stjórn Esterar Ólafsdóttur og sóknarprestur þjónar.

Hin nýja sálmabók Þjóðkirkjunnar verður tekin í notkun.

Verum öll velkomin til kirkju.

Sóknarnefnd og sóknarprestur 

Það gerir mörgum gott sem gengið hafa í gegnum sorg eða áföll að hitta aðra sem staðið hafa í sömu sporum og geta rætt í trúnaði og einlægni um líðan sína.

Í nóvember verður boðið upp á samtal um sorg og áföll í Hveragerðiskirkju.

Byrjað verður á erindi frá Sorgarmiðstöð, síðan verður boðið upp á samtöl næstu þrjú miðvikudagskvöld. Samverurnar standa í um klukkustund.

Umsjón hafa presta Hveragerðis-, Þorlákshafnar- og Árborgarprestkalls sem öll veita nánari upplýsingar. Samverurnar eru opnar öllum íbúum á þessu svæði.

Í dag, miðvikudaginn 2. nóvember milli klukkan 17 og 19 munu börn í fermingarfræðslu Þorlákshafnarprestakalls ganga í hús í Þorlákshöfn með bauk frá Hjálparstarfi kirkjunnar. 

Í rúm 20 ár hafa börn í fermingarfræðslu víða um landið lagt sitt af mörkum til Hjálparstarfs kirkjunnar. Þeir peningar sem safnast fara til vatnsverkefna í Afríku. Framlag fermingarbarnanna er mikilvægt en árið 2021 söfnuðu þau rúmum átta milljónum króna.

Ekki er víst að unnt verði að ganga í öll hús bæjarins en hægt er að leggja inn upphæð að eigin vali á reikning 0334-26-56200. Kennitala 450670-0499.

Takk fyrir að taka vel á móti fermingarbörnunum.

www.help.is